#

झापाका १ सहित धरानमा २ जना कोरोना संक्रमितको मृत्यु


सुनसरीको धरानस्थित वीपी कोइराला स्वास्थ्य विज्ञान प्रतिष्ठानको कोभिड अस्प्तालमा उपचाररत कोरोना संक्रमित दुई जना महिलाको मृत्यु भएको छ । संक्रमणबाट प्रतिष्ठानमा उपचाररत इनरुवा नगरपालिका–४ बस्ने ४९ वर्षीया र झापाको मेची नगरपालिका–८ निवासी ७२ वर्षीया महिलाको मृत्यु भएको हो ।

इनरुवाकी महिलाको सोमबार बिहान र मेचीनगरकी महिलाको आइतबार राति मृत्यु भएको प्रतिष्ठानले जनाएको छ । दुई महिलासहित प्रतिष्ठानमा उपचारका क्रममा मृत्यु हुने कोरोना संक्रमितको संख्या ३० पुगेको छ ।

प्रतिष्ठानका प्रवक्ता प्रा.डा निदेश सापकोटाका अनुसार इनरुवाका महिलालाई उच्च रक्तचाप, मधुमेह र मिर्गौलामा समस्या भएपछि भदौ ३० गते प्रतिष्ठानमा उपचारका लागि ल्याइएको थियो । उनलाई मेडिसिन वार्डमा भर्ना गरेर उपचार प्रक्रिया सुरु गरे लगतै स्वाब पनि संकलन गरेर पीसीआर परीक्षणका प्रतिष्ठानको माइक्रोबायोलोजी विभागको प्रयोगशालामा पठाइएको थियो । उनको पीसीआर रिपोर्ट पोजेटिभ देखिएपछि कोभिड अस्पतालमा स्थानान्तरण गरिएको थियो ।

यसैगरी झापाको मेची नगरकी महिलालाई बिर्तामोडस्थित कन्काई अस्पतालले भदौ ४ गते प्रतिष्ठानको कोभिड अस्पतालमा रेफर गरेको थियो । श्वासप्रश्वासमा समस्या, छाती दुख्ने, शारीरिक कमजोरी र निमोनियाको लक्षण देखिएपछि प्रतिष्ठानको कोभिड अस्पतालमा रेफर गरिएको हो । कुनै दीर्घ रोग नदेखिएका उनको पीसीआर रिपोर्ट भने पोजेटिभ देखिएको थियो । मृतक दुबैको शवको व्यवस्थापन स्वास्थ्य प्रोटोकल अनुसार भइरहेको प्रवक्ता सापकोटाले जानकारी दिनुभयो ।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु