अर्थ

१ करोड १५ लाख बिगो तोकिएपछि फरार रहेका झापाका प्रसाई पक्राउ


      २०७७ कार्तिक १२, बुधबार ०९:१४

झापा। बैङ्किङ कसुर मुद्दाका एक जना फरार व्यक्तीलाई जिल्ला प्रहरी कार्यालय झापाले पक्राउ गरेको छ । पक्राउ पर्नेमा झापाको कनकाई नगरपालिका–३ का ५५ वर्षीय राजेन्द्रप्रसाद प्रसाई रहेका छन्।

फरार अभियुक्तको खोजीमा रहेको प्रहरीले उनलाई आज घरैबाट पक्राउ गरेको हो । विशेष सूचनाका आधारमा उनलाई पक्राउ गर्न प्रहरी सफल भएको झापाका प्रहरी प्रवक्ता डीएसपी राकेश थापाले बताए ।

अलग–अलग दुई बैङ्किङ कसुर मुद्दामा उच्च अदालत विराटनगरको इलाम इजलासले प्रसाईलाई दोषी ठहर गरेको थियो । उनी लामो समयदेखि फरार हुँदै आएका थिए ।

भगवती ढुङ्गेलको जाहेरीका आधारमा अदालतले गतवर्षको पुस १४ गते २५ लाख रुपैयाँ बिगोसहित एक महिना कैद सजायको फैसला सुनाएको थियो ।

प्रसाईविरुद्ध सुरेन्द्रकुमार उप्रेतीको जाहेरीका आधारमा चलाइएको बैङ्किङ कसुरको अर्को मुद्दामा अदालतले पुस २१ गते एक महिना कैद सजाय र ९० लाख रुपैयाँ बिगो तोकेको थियो ।

अदालतको फैसलापछि प्रहरीको खोजी सूचीमा रहेका प्रसाई दशैँको समयमा पक्राउ परेका हुन् । अदालत खुलेपछि आवश्यक कार्वाहीका लागि उनलाई पेश गरिने प्रहरी प्रवक्ता थापाले जानकारी दिए ।

फेसबुकमा तपाईको प्रतिक्रिया

अनलाइनयुवामा प्रकाशित सामग्रीबारे कुनै गुनासो, सूचना तथा सुझाव भए हामीलाई दिनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु