जीवनशैली

सडक सिमाभित्र पर्ने संरचना सात दिनभित्र हटाउन सार्वजनिक सूचना गरिने


      २०७७ पुष १५, बुधबार १०:५६

विराटनगर इटहरी धरान छ लेन सडक योजना अन्र्तगत इटहरीमा सडक विस्तारको ठेक्कापटटा भएको स्थानमा सडक सिमाभित्र पर्ने संरचना सात दिनभित्र हटाउन सार्वजनिक सूचना गरिने भएको छ । इटहरी उपमहानगरमा वसेको सरोकारवालाहरुको वैठकले यस्तो निर्णय गरेको हो । सूचना जारी भएको सात दिन भित्र सडक सिमाभित्रको आ आफनो संरचना नहटाए इटहरी उपमहानगर,जिल्ला प्रशासन कार्यालय,जिल्ला प्रहरी कार्यालय लगायतको सहयोगमा ठेक्कापटटा भएको सडक सिमाभित्रका संरचना हटाउने निर्णय भएको छ । इटहरी उपमहानगरका प्रमुख द्धारिकलाल चौधरी,उपप्रमुख लक्ष्मी गौतम,सुनसरीका प्रमुख जिल्ला अधिकारी फडिन्द्रमणि पोखरेल,प्रहरी प्रमुख कमल थापा,इटहरी उपमहानगरका वडाध्यक्षहरु तथा रानी विराटनगर इटहरी धरान सडक योजनाका प्रमुख वद्रि प्रसाद शर्मा लगायत सरोकारवाला सहभागि वैठकले यस्तो निर्णय गरेको हो । वैठकमा सडक सिमा भित्रका संरचना नहटाइएका कारण निर्माण कार्यमा वाधा भएको बिषयमा छलफल भएको थियो । यसअघि २०७६ फागुन १६ गते उपमहानगरमा वसेको वैठकले सडक सिमा खाली गराउने निर्णय गरेको थियो । त्यसपछि राष्टिय पत्रिकाहरुमा संरचना हटाउन सार्वजनिक सूचना जारी भएको थियो । हटाउनुपर्ने अस्थायी तथा स्थायी संरचनाको इटहरी उपमहानगर र योजनाका प्राविधिकहरुवाट संयुक्त लगत संकलन कार्य समेत भएको थियो ।

फेसबुकमा तपाईको प्रतिक्रिया

अनलाइनयुवामा प्रकाशित सामग्रीबारे कुनै गुनासो, सूचना तथा सुझाव भए हामीलाई दिनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु