देश

‘प्रकाश’मा प्रदिपसँग रेनुको जोडी


      २०७७ माघ १३, मंगलवार १४:२५

काठमाडौं / निर्देशक दिनेश राउत नयाँ चलचित्र निर्देशनको तयारीमा छन् । नायक प्रदिप खड्काको मुख्य भूमिका रहने चलचित्र ‘प्रकाश’को छायांकन फागुणको दोश्रो साताबाट सुरु हुने निर्माणपक्षले बताएको छ ।

यसैविच, चलचित्रका लागि नायिका पनि फाइनल गरिएको छ । अडिसनबाट धनगढीकी रेनु योगीलाई निर्माणपक्षले नायिकाको रुपमा फाइनल गरेको हो । रेनुको प्रस्तुति र चरित्र मिल्ने भएपछि चलचित्रका लागि फाइनल गरिएको निर्देशक दिनेशले बताए । चलचित्रका कास्टिङ डिरेक्टर अनुप बरालले रेनुलाई अडिसनमार्फत छनोट गरेका हुन् ।

स्नातक अध्ययन गरिरहेकी रेनुले थिएटरमा काम गर्दै आएकी छिन् । उनले सन् २०१३ मा नायक दयाहाङ राइसँग ‘मितज्यू’ नामक नाटकमा अभिनय गरेकी थिइन् । उनले हालसम्म, १० भन्दा बढी नाटक, सर्ट मुभी र वृत्तचित्रमा अभिनयगरिसकेकी छिन् ।

यो चलचित्रको छायांकन जुम्लामा ४५ दिनसम्म हुनेछ । विनिस इन्टरटेनमेन्टको प्रस्तुतिमा निर्माण हुन लागेको चलचित्रमा महेन्द्र अधिकारीको लगानी रहनेछ । चलचित्रलाई विकास सुवेदीले लेखेका हुन् ।

 

फेसबुकमा तपाईको प्रतिक्रिया

अनलाइनयुवामा प्रकाशित सामग्रीबारे कुनै गुनासो, सूचना तथा सुझाव भए हामीलाई दिनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु