सवारी दुर्घटना २ जनाको मृत्यु

सुनसरी/सुनसरीका दुई छुट्टाछुट्टै स्थानमा शनिवार राती भएको सवारी दुर्घटनामा परी दुई जनाको मृत्यु भएको छ । शनिवार राती सवा ७ बजेको समयमा सुसनरीको ईटहरी उप-महानगरपालिका-२ आपगाछीमा ट्रकले मोटरसाईकललाई ठक्कर दिंदा चालकको मृत्यु भएको ईलाका प्रहरी कार्यालय ईटहरीले जनाएको छ । धरानबाट ईटहरी तर्फ आउँदै गरेको को १ ख ५५२७ नम्बरको ट्रकले बिपरीत दिशाबाट जाँदै गरेको को ३२ प ६७१६ नम्बरको मोटरसाईकललाई ठक्कर दिंदा घाईते भएका मोटरसाईकल चालक धरान १० का ३० बर्षीय बिक्रम चेम्जोङको उपचारको क्रममा बि.पी.कोईराला स्वास्थ्य बिज्ञान प्रतिष्ठान धरानमा बेलुका सवा ८ बजे मृत्यु भएको हो । यसैगरी सुनसरीको बराहक्षेत्र नगरपालिका-१ रानीखोलामा मोटरसाईकल अनियन्त्रीत भई दुर्घटना हुँदा मोटरसाईकलको पछाडी सवार रहेका कानेपोखरी गाउँपालिका-१ का २६ बर्षीय सनम याख्खाको मृत्यु भएको छ । चतराबाट बराहक्षेत्र तर्फ जाँदै गरेको प्रदेश १ ०२-०४१ प ४९७१ नंम्बरको मोटरसाईकल आफै अनियन्त्रीत भई दुर्घटना हुँदा घाईते भएका याख्खाको बिराट नर्सिङहोममा उपचारको क्रममा राती सवा १२ बजे मृत्यु भएको ईलाका प्रहरी कार्यालय चतराले जनाएको छ । दुवै घटनाको सम्बन्धमा प्रहरीले थप अनुसन्धान गरिरहेको छ ।

पहिचानका खोजीमा झापाको ‘भक्का’

पित्त थैलीको शल्यक्रिया गर्दा महिलाको मृत्यु, आफन्तद्धारा क्लिनिक तोडफोड

विराटनगर । पित्त थैलीको शल्यक्रिया गर्न भर्ना भएकी महिलाको मृत्यु भएपछि मृतकको आफन्तले विराटनगरको अवधनारायण मेमोरियल क्लिनिकमा तोडफोड गरेका छन् ।

बेलबारी नगरपालिका– ८ की ३२ वर्षीया सजना राईको मृत्यु भएपछि आक्रोशित बनेका आफन्त र स्थानीयले आइतबार क्लिनिकमा तोडफोड गरेका हुन् ।

चिकित्सकको लापरबाहीका कारण बिरामीको मृत्यु भएको भन्दै आफन्तले शव बुझेका छैनन् । क्लिनिकमा पित्तथैलीमा भएको पथरी झिक्न शल्यक्रिया गरेकी महिलाको उपचारको क्रममा शुक्रबार बीपी कोइराला स्वास्थ्य विज्ञान प्रतिष्ठान धरानमा मृत्यु भएको थियो ।

अवधनारायण मेमोरियल क्लिनिकले शल्यक्रिया गर्दा लापरबाही गरेको उनीहरुको आरोप छ ।सजना गत पुस २८ गते विराटनगर–७ स्थित अवधनारायण मेमोरियल क्लिनिकमा भर्ना भएकी थिइन् । उनको सोही दिन शल्यक्रिया भएको थियो । तर शल्यक्रिया पछि उनको अवस्था जटिल बन्दै गयो । क्लिनिकमा आईसीयूसहित अत्यावश्यक सेवा नभएपछि उनलाई बीपी कोइराला स्वास्थ्य विज्ञान प्रतिष्ठान धरान रेफर गरिएको थियो । क्लिनिकको लापरबाहीका कारण छोरी सजनाको मृत्यु भएको होमबहादुर राईले बताए ।

आइतबार भेला भएका स्थानीयले अस्पतालमा तोडफोड गरेका थिए । तोडफोडको आरोपमा तीनजनालाई पक्राउ गरिएको जिल्ला प्रहरी कार्यालय मोरङका डिएसपी लोकदर्शन थापाले जानकारी दिए । अवस्थालाई नियन्त्रणमा लिन प्रहरी परिचालन गरिएको उनले बताए ।

 

दादा भत्ता नदिदा मोरङमा ठेकेदारको गाडी तोडफोड

मोरङको मिक्लाजुङ गाउँपालिका भरि खोला ठेक्का लिएको बीएनडी कन्ट्रक्सनको स्कारपीय गाडी स्थानिय युवाको समूहले तोडफोड गरेका छन् ।
खोला ठेक्का लिदा ठेक्दारले ‘दादा भत्ता’ नदिएको आरोपमा कन्ट्रक्सनको गाडी शुक्रबार राती तोडफोड गरेका हुन् ।
मोरङको मिक्लाजुङ गाउँपालिका घर भएका दिपेश मगर, जोसन श्रेष्ठलगायतका एक दर्जन बढी युवाको समूहले बीएनडी कन्ट्रक्सनको नाममा रहेको प्रदेश १–०२००२ च ४१९७ नम्बरको सेतो स्कारपियो गाडी तोडफोड गरेको किटानी जाहेरी परेको इलका प्रहरी कार्यालय उर्लाबारी प्रमुख प्रहरी निरीक्षक उद्धव पोखरेले जानकारी दिए ।
श्रेष्ठ र मगरको समूहले बीएनडी कन्ट्रक्सनका संचालक भुपाल श्रेष्ठसँग खोला ठेक्का पाएपछि पैसाँ माग्दै आएका थिए । उक्त कम्पनीले मिक्लाजुङको गाउँपालिकाको बोक्रा, मिक्लु, सोल्टी, तेलीलगायतका आधा दर्जन बढी खोलाहरू करिब साढे ९ करोड रुपैयाँमा ठेक्का पाएको थियो ।
‘गाउँपालिकाबाट ठेक्का पाएर काम सुरू भएपछि स्थानिय केही युवाहरूको समूहले काममा अवरोध सृजना खोज्दै आएका थिए,’ बीएनडी कन्ट्रक्सनका संचालक भुपाल श्रेष्ठले भने, ‘रातीको समयमा पार्किङ्ग गरि राखिएको गाडी र काम गर्ने केटाहरू माथि हातपात भयो ।’ मदिरा सेवन गरि आक्रमण गरेको बुझिएको छ ।
कन्ट्रक्सनमा काम गर्नेहरू मिक्लाजुङ्ग गाउँपालिका ९ मधुमल्ला बजारस्थित टिकाराम गिरीको घरको भुइ तलाको तीन वटा कोठा भाडामा लिएर बस्दै आएका थिए । गिरीको घरमा कन्ट्रक्सनमा काम गर्ने ६ जना बस्दै आएका थिए । उक्त कन्ट्रक्सनको काम गर्ने इन्चार्ज कानेपोखरी गाउँपालिका राजकुमार याख्खा रहेका थिए ।
‘याख्खासँग स्थानिय युवाहरूको विवाद भएपछि कम्पनीले उनलाई लिन कानेपोखरीदेखि स्कारपियो गाडी मधुमल्ला बजारमा डेरामा पठाएको थियो,’ कम्पनीका संचालक श्रेष्ठले भने, ‘गाडी पुग्ने साथ युवाको समूहले आक्रमण गरि अगाडीको सिसा तोडफोड गरिदिए ।’ कम्पनीका भोजराज श्रेष्ठ सामान्य घाइते भएको बुझिएको छ ।
युवाको समूहले कन्ट्रक्सनमा काम गर्नेहरू कोठामा बस्ने गिरीको घरको झ्यालको सिसा पनि तोडफोड गरेका छन् । तोडफोडमा संलग्नहरू फरार रहेको प्रहरीले जनाएको छ । उनीहरूलाई पक्राउ गर्न इलका प्रहरी कार्यालय मधुमल्लाबाट प्रहरी परिचालन गरिएको छ ।

साइनो साकोसको छैठौ बार्षिक उत्सबमा ६३ पिन्ट रगत संकलन

शिबसताक्षी । झापाको शिबसताक्षी ८ स्थीत झिलझिलेमा रहेको साइनो साकोसले आज संस्थाको छैठौ सथापना दिवसको अवसरमा रक्तदान कार्यक्रम सम्पन्न गरेको छ ।
उक्त रक्तदान कार्यक्रममा ५ महिला र ५८पुरुष सहित ६३ पिन्ट रगत संकलन भएको संस्गाका अध्यक्ष बिकेन कुमार मेन्याङबोले बताए । रक्त दान जिवन दान भन्ने मुल नारालाई सार्थक बनाउन मानब जिबन सेवा तथा रक्षार्थको लागी साइनो साकोसले बिगत २ बर्ष अघि देखि संस्थाको स्थापना दिवसको अवसरमा रक्तदान गर्दै आएको संस्थाका सचिब सुबास लिम्बुले जानकारी दिए ।
ओ नेगेटिभ बल्ड ग्रुप भएका र १सय ५औ पटक रक्तदान गरेका दमक निवसी युवराज अचर्यको प्रमुख आतिथ्यतामा सम्पन्न् कार्यक्रममा भरै पटक रत्तदान गर्ने दमक निवसी भगवती श्रेष्ठ ,मोरङ मिक्लाजुङकी सुमित्र पेहिम र गुञ्जन लुइटेललाई कदरपत्र दोसल्ला र मायाको चिनो द्धारा सम्मान गरिएको छ । त्यसैगरि रक्तदान अभियन्ता छबिलाल दवाडी, रेडक्रस शिबसताक्षी उपशाखाका सचिब गोबिन्द काफ्लेलाई समेत संस्थाले सम्मान गरेको छ । कार्यक्रम नेपाल रेडक्रस सोसाइटी उपशाखा दमकको प्रबिधिक सहयोगमा सम्पन्न भएको थियो । साथै संस्थाले उत्कृष्ट कर्जा ,उत्कृष्ट बचतकर्ता ,उत्कृष्ट ऋणी लाई समेत पुरस्कृत गरेको संस्थाकी ब्यबस्थापक दिलकुमारी मगरले बताइन ।

सतासीधाम जेसीजको नयाँ नेतृत्वमा कमल सेन्चुरी

शिवसताक्षी / सतासीधाम जेसिजको वर्ष २०२१ का लागि दुधेका युवा व्यवसायी कमल सेन्चुरी अध्यक्ष पदमा निर्वाचित भएका छन् । जेसिजको एक पद, एक कार्यकालका लागि भएको निर्वाचनमा सेन्चुरीका प्रतिद्धन्दी नभएपछि उनि सर्वसम्मत अध्यक्षमा निर्वाचित भएका हुन् ।

शिवसताक्षी नगरको दुधेमा आयोजित ८ औं वार्षिक साधारण सभा तथा ७ औं अधिवेशनबाट जसीजको अध्यक्षममा कमल सेन्चुरी सर्वसम्मत चयन भएका छन् । अध्यक्ष पदमा निर्वाचित भएपछि सेन्चुरीले सतासीधाम जेसिजलाई सन २०२१ मा नयाँ रणनीतिका साथ रचनात्मक रुपमाअघि बढाइने बताए ।

लायन्स क्लव अफ शिवसताक्षीका प्रेसिडेन्ट अग्नी दुलालको प्रमुख आतिथ्यमा भएको कार्यक्रमबाट सतासीधाम जेसिजको कार्यकारी उपाध्यक्ष पदमा लेखनाथ अधिकारी र दारुमान राई निर्विरोध निर्वाचित भएका छन् ।

उपाध्यक्ष चार पदमा नविन बास्कोटा, बिबेक ढकाल, हिमाल दंगाल र रबिन घिमिरे चयन भएका छन् भने जनसम्पर्क अधिकारीमा विश्व विक्रम दाहाल चयन भएका छन् ।बाँकी पदाधिकारी नवगठित कार्य समितिले चयन गर्ने अध्यक्ष सेन्चुरीले जानकारी दिए ।

कार्यक्रम सतासीधाम जेसिजका अध्यक्ष कुमारंिसह साँवाको अध्यक्षता भएकाे थियाे । कार्यक्रममा वर्ष २०२० का अध्यक्ष कुमारसिंह साँवाले २७ लाख ९६ हजार २ सय ५० बराबरको आय व्यय प्रस्तुत गरेका थिए ।
कार्यक्रममा सतासीधाम जेसीजका पुर्वअध्यक्षहरुको तर्फबाट महेन्द्र भट्टराई, जेसीजका सल्लाहकार तथा नेपाल रेडक्रस सोसाइटी शिबसताक्षीका सचिव गोविन्द काफ्ले, सामुदायिक सिकाई केन्द्र दुधेका अध्यक्ष नारायण बजगाई तथा नेपाली कांग्रेसका शिवसताक्षी नगर सभापती पर्शुराम ढुँगाना लगायतले शुभकामना मन्तव्य राखेका थिए । कार्यकारी उपाध्यक्ष अर्जुन भट्टराईले स्वागत गरेको कार्यक्रम विवेक ढकालको संचालनमा भएको थियो ।

मुख्यमन्त्री राई… मिस मंगोलसँग विहे गर्दै

झापा । नेकपा नेता तथा प्रदेश १ का मुख्यमन्त्री शेरधन राईले मिस मंगोल विजेता जाङमु शेर्पासँग बिहे गर्न लागेको खुलासा भएको यसअघि उनको विवाहको खबर आएपनि बधुबारे कुनै खुलासा भएको थिएन ।

झण्डै ५० वर्षीय राईले मिस मंगोल २०१८ की विजेता २० वर्षीया शेर्पासँग विहे गर्न लागेका हुन् । उनीहरुबीच यही माघ ११ गते विवाह हुने भएको हो।
विवाह काठमाडौंमा गर्ने र भोज विराटनगरमा आयोजना गर्ने तयारी भएको मुख्यमन्त्री राईले जानकारी दिएका छन् ।

मुख्यमन्त्री राईले बुढेशकालमा अन्तरजातीय विवाह गर्न लागेका हुन् । यसअघि उनले प्रदेशको नाम र स्थायी राजधानी टुंगो लगाएर मात्रै बिहे गर्ने बताउँदै आए पनि उनले प्रतिज्ञा तोड्न लागेका हुन् । किनकी अहिलेसम्म प्रदेश १ को नामाकरण गर्न सकेका छैनन् ।

मुख्यमन्त्री राईविरुद्ध अविश्वासको प्रस्ताव दर्ता भइसकेको छ । राई एक युवतीसँगको सम्बन्धको चर्चाका कारण विवादमा पर्दै आएका थिए ।

दोलखाकी बालिका खड्काले उनीविरुद्ध अंश मुद्दा दायर गरेकी छिन् । अंश मुद्दा दायर गरेकी छिन्। उनले काठमाडौं जिल्ला अदालतमा ‘नाता कायम गरी अंश दिलाई पाऊँ’ भनि मुद्दा दायर गर्नुका साथै राईले शारीरिक यातना दिएको तथा यौन दुर्व्यवहार गरी घरेलु हिंसा गरेको आरोप लगाएकी थिइन् ।

सरकारका असंबैधानिक कदम विरुद्ध दमकमा कांग्रेसको प्रदर्शनसहित सभा

दमक/सरकारको असंबैधानिक कदम र भ्रष्टाचारका विरुद्ध नेपाली कांग्रेसले आज देशभरका पालिकाहरुमा पालिकास्तरिय विरोध कार्यक्रम गरिरहेको छ । सो क्रममा कांग्रेस दमक नगर समितिले पार्टी कार्यालयबाट शुरु गरेको सांकेतिक रेलसहितको विरोध प्रदर्शनमा नगरस्थित पार्टी नेता कार्यकर्ता, भातृ संगठन र शुभेच्छुकहरु उल्लेख्य संख्यामा सहभागी थिए ।प्रदर्शनपछि दमक चोकमा आयोजित विरोध सभालाई सम्बोधन गर्दै वक्ताहरुले केपी ओली नेतृत्वको वर्तमान कम्युििनष्ट सरकार एकपछि अर्को असंबैधानिक कदम चाल्न उद्धत रहेकाले जनताका अधिकारहरु कुण्ठित हुनका साथै लोकतान्त्रिक व्यवस्थान खतरामा पर्र्दै गएको टिप्पणी गरे । सभामा नेपाली कांग्रेसका युवा नेता तथा नपाल तरुण दलका पुर्व उपाध्यक्ष मेदनी प्रसाद सिटौलाले ओली नेतृत्वको वर्तमान सरकारले संविधानमा नभएको अधिकार प्रयोग गरेर व्यवस्थापिक संसदको असमयमै अवसान गराएको जिकिर गरे ।
उनले भने – संसद विघटनको यो कदम चाल्ने अधिकार संसदलाई नै छ कार्यपालिकालाई होइन ।

इतिहासमा कहिलेकंही यस्तो दुखद अवस्था आएको स्मरण गर्दै त्यसलाई सच्याउन र संविधानको रक्षा गर्ने काममा न्यायपालिकालाई कांग्रेसले विश्वास गरेको उनको भनाई थियो । नेता सिटौलाले यो सरकार आम उत्पीडित महिला, श्रमिक, युवा बिद्यार्थी वर्गको अधिकारका विरुद्ध रहेकोले यसका विरुद्ध आम नागरिकहरु सडकमा आन्दोलनको मोर्चामा होमिन परेको उनको कथन थियो । कांग्रेस सभापति शेरबहादुर देउवाका भनाईहरुलाई लिएर आन्दोलनका बिषयमा उत्पन्न भएका केही द्धिविधाहरुलाई स्पष्ट पार्दै युवा नेता सिटौलाले पार्टी सभापति र आम कांग्रेसजनले न्यायपालिकामाथि विश्वास मात्रै गरेको बताए । स्वतन्त्र न्यायपालिकाले यो संविधानको रक्षाका लागि स्वतन्त्रतापुर्वक आफनो जिम्मेवारी निर्वाह गर्नपर्ने उनको धारणा थियो ।संसद पुनस्र्थापना गरेर असंबैधानिक कदम सच्चिएपछि कांग्रेस अग्रपक्तिंमा उभिएर निर्वाचनमा होमिने उनले स्पष्ट पारे । तर ओली सरकारले निर्वाचन गराउन नभई सर्वसत्तावाद लादनका निमित्त पछिल्ला कदमहरु चालिरहेको भन्दै उनले त्यसलाई नसच्याए आन्दोलनको थप आधिबेरी ल्याउने उदघोष गरे ।
कांग्रेस झापाका पुर्व सभापति पुर्णानन्द शर्माको प्रमुख आतिथ्यमा भएको सभामा कांग्रेस विधि र नितान्तमा अडिग रहेको नेता शर्माले उल्लेख गरे । सो अवसरमा कांग्रेस झापा क्षेत्र नं ५ का सभापति ढुण्डीराज भण्डारी, महाधिवेशन प्रतिनिधि रेगिना भट्टराई, नगर सभापति रोशन विष्ट लगायतले पनि धारणा राखेका थिए । सो विरोध कार्यक्रम संयोजक तथा पार्टीका नगर सचिव प्रकाश प्रसाइँले कार्यक्रमको सञ्चालन गरेका थिए ।

 

यूएनएचसीआरको टोली फर्कियो, ७ हजार भुटानी शरणार्थी अलपत्र

झापा । शरणार्थीको क्षेत्रमा काम गर्दै आएको दातृ निकाय यूएनएचसीआरको टोली फर्किएपछि झापाको बेलडागी र मोरङको पथरी शनिश्चरेमा बस्दै आएका भुटानी शरणार्थीको अलपत्र परेका छन् ।

शरणार्थीको समस्या सामधान नहुँदै शरणार्थीका लागि संयुक्त राष्ट्रसंघको उच्च परिषदको टोली फर्किएपछि शिविरमा स्वदेश र्फकन र तेस्रो देश पुनर्स्थापना पर्खिएर बसेका भुटानी शरणार्थीहरु अलपत्र परेका हुन् ।

भुटानबाट नेपालमा आएका शरणनार्थीको व्यवस्थापनमा यूएनएचसीआरले सहयोग गर्दै आएको थियो । तर डिसेम्बर १८ बाट दात्री निकायको टोली फर्किएको हो ।

टोली फर्किएपछि स्वदेश फिर्ती र तेस्रो मुलुक पुनर्वास अलपत्र परेको पथरीशनिश्चरे शिविरका शिविर सचिव चम्पासिंह राईले जानकारी दिए । ‘यूएनएचसीआरको टोली फर्किएपछि हामी अन्योलमा छौं,’ उनले भने, ‘पुनरमिलनका लागि जान चाहानेहरु धेरै छन् । अब प्रकृया कसरी अघि बढ्छ जानकारी छैन ।’

उनका अनुसार पथरीशनिश्चरेमा ५२० घर छन् । जसमा एक हजार ६ सय बसिरहेका छन् । बेलडागी शिविर र पथरीशनिश्चरेमा गरी ७ हजार ५ सय शरणार्थी रहेको उनको भनाइ छ ।

जिल्ला प्रशासन कार्यालय झापाका सहायक प्रमुख जिल्ला अधिकारी उमेश पाण्डेका अनुसार सरकारी रेकर्डमा भने दुईवटै शिविरमा गरी ६ हजार ३ सय ६५ जना रहेको उल्लेख छ ।

शिविरमा रहेकामध्ये ६० प्रतिशतभन्दा बढी परिवारमा पुनरमिलनका लागि तेस्रो देश जान चाहान्छन् । केही स्वदेश र्फकने चाहाने पनि छन् । ‘यहाँ भएका ६० प्रतिशत पुनरमिलनका लागि तेस्रो मुलुक जान चाहान्छन्,’उनले भने, ‘घर र्फकन चाहाने पनि केही छन् । नेपालमै बस्छौं भन्नेको संख्या पनि ठूलो छ ।’
शनिश्चरे शिविरमा रहेका चारसय ६२ जना दर्तामा छुटेको उनको भनाइ छ । ‘यता आएपछि रोजिरोटीको खोजीमा हिँडेकाहरु दर्ता हुन छुटे,’ उनले भने, ‘पछि आएकाहरु बसिरहेका छन् । तर तिनिहरुको रेकर्ड अझै कायम भएको छैन ।’

भुटान सरकारले बस्न नदिएपछि २०४९ सालमा शरणार्थीहरु नेपाल प्रवेश गरेका थिए । पटक पटक भुटान र्फकने प्रयास गरे पनि उनीहरुले पाएका छैनन् ।

यूएनएचसीआरको टोली फर्किएपछि सबै काम नेपाल सरकारले गर्ने भनिएको छ । जसका लागि जिल्ला प्रशासन कार्यालय झापाले दुईजना फोकल पर्सन पनि तोकिएको छ । तर तेस्रो मुलुक पुनर्वासका लागि नेपालको पहलले मात्र सम्भव नरहेको उनले बताए । दाता नै फर्किएपछि अब झिनो आश मात्रै बाकीँ रहेको राईको भनाइ छ ।

‘अब सबै काम सरकारले गर्ने भनेको छ । स्थानीय तहले शिक्षा,स्वास्थ्य र खानेपानी हेर्ने जिम्मेवारी पाएको छ,’ उनले भने, ‘२०१९ मा शनिश्चरेले शिक्षा स्वास्थ्यको जिम्मेवरी लिएको छ । २०२० बाट बेलडागीको जिम्मा स्थानीय तहले लिएको छ ।’

उनका अनुसार नेपाल सरकारले एक पटक पहल गरिदिने हो भने बिछोडिएको परिवारको पुनर्मिलन हुने बताए । ‘स्वदेश फीर्तीको आशा कम भयो, पुनर्मिलनका लागि पर्खिरहेका छन् धेरै मानिस,’ उनले भने, ‘स्वदेश फिर्तीका लागि नेपाल सरकारले पहल गर्या । तर भुटानले मानेको छैन ।’

आय आर्जनको बैकल्पिक बाटो, फेरियो जीवनशैली

शरणार्थीलाई सुरुका केही वर्ष दात्री निकाले खाद्यान्य उपलब्ध गराएर राख्यो । पुनर्वासमा लैजान थालेपछि भने सहयोग गर्न छाडेको छ । पछिल्लो समय शरणार्थीहरु आय आर्जनको वैकल्पिक स्रोत प्रयोग गरिएका छन् ।

शिविरमा प्रया घरबाट एक जना पुनरवासका लागि विदेश गएका छन् । तिनले पठाएको पैसाले धेरैको गुजारा चलिरहेको नरबहादुर साम्पाङले बताए । तेस्रो मुलुक पुनर्वासको जीवनस्तर धेरै माथि उक्लिएको शिविर सचिव राईको भनाइ छ । ‘गुजाराको मुख्यमस्रोत तेस्रो देशमा गएका आफन्तहरु नै हुन्,’ उनले भने, ‘स्थानीयस्तरमा पनि आयआर्जनको काम गर्न गरिरहेका छन् ।’

तेस्रो मुलुक पुनरवासले शरणार्थीको दैनिकी फेरिएको उनले बताए । नियमित रेमिट्यान्स आउँदा शरणार्थीको जीवन शैलीमा सकारात्मक परिवर्तन ल्याएको बताए ।
शरणार्थीको जीवनशैली फेएसिँगै त्यस क्षेत्रमा अर्धपक्की संरचना पनि निर्माण भएका छन् । सहायक प्रमुख जिल्ला अधिकारी पाण्डेका अनुसार एक लाख २७ हजार पुनर्वासका लागि विभिन्न सातवटा देश पुगेका छन् ।

नेपाली बन्ने चाहाना

भुटानले फर्काउन नचाहेका कारण अधिकांश शरणार्थी तेस्रो मुलुक पुगे । पुनर्वास जान नपाएका र स्वदेश र्फकने झिनो आस भएकाहरु नेपालमा छन् । २८ वर्षयता नेपालमै बसेकाहरुले स्थानीयकरण गर्न माग गरेका छन् ।
पुनर्वास र स्वदेश फिर्तीको सम्भावना कम छ,’ शिविर सचिव राईले भने, ‘हाम्रो माग नेपाल सरकारले स्थानीयकरण गरिनुपर्छ भन्ने पनि छ ।’ नेपाली नागरिकको मान्यता पाए शरणार्थी क्याम्प नरहने उनले बताए ।

‘स्थानीयकरणको अवसर आयो भने क्याम्पमा शरणार्थी रहदैनन्,’ उनले भने, ‘वर्षौैसम्म यहीँ बसियो, यही ठाउँको माया छ, नेपाल सरकारले स्थानीयकरणको अवसर पनि दिनुपर्छ ।’ पटक पटक हिडेरै भुटान र्फकन खोज्दा भारतले बाटोमा नै रोकेको स्मरण गर्दै उनले भने, ‘स्वदेश र्फकन पाउने भए तेस्रो देशको विकल्प आउने थिएन् ।’

स्थानीयकरणका लागि पहल गरिदिने दात्री निकाय नै नहुँदा समस्या भएको उनले बताए । ‘ हिजो यूएनएचसीरआरले हाम्रो कुरा सुन्थ्यो । गुनासो गर्न पाइन्थ्यो । आफ्नो निकायमार्फत पहल पनि गर्थे,’ उनले भने,’ अहिले अन्योल छ । कसलाई पहल गर्ने ।’

शरणार्थी शिविरमा रहेका नरबहादुर साम्पाङ नेपालमै बस्न पाउनु पर्ने बताउँछन् । उनका एक छोरा एक बुहारी तेस्रो देश पुगेका छन् । आफ्ना पुर्खा नेपालबाट नै गएका कारण नेपालीकरण हुन पाउनुपर्ने उनको भनाइ छ ।

तङ्ग्रिँदै पर्यटकीय क्षेत्र : ताप्लेजुङ

ताप्लेजुङ – कोरोना महामारीका कारण १० महिनादेखि थला परेको पर्यटकीय क्षेत्र बिस्तारै तङ्ग्रिँदै गएको छ ।

विदेशी पर्यटकको चाप नभए पनि आन्तरिक पर्यटकहरुकाे चहलपहल बढ्न थालेको हाे । ताप्लेजुङका पर्यटकीय क्षेत्रहरुमा आन्तरिक पर्यटकहरु घुम्न थालेका छन् । धार्मिक तथा प्राकृतिक रुपमा रहेका पर्यटकीय क्षेत्रको विकासका कामले पनि बिस्तारै गति लिन थालेकाे छ।
कञ्चनजङ्घाको बेस क्याम्पमा समेत आन्तरिक पर्यटक जान थालेका छन् । स्थानीय सरकार तथा कञ्चजनजङ्घा संरक्षण क्षेत्रले पर्यटकीय क्षेत्र कञ्चनजङ्घा बेसक्याम्पसम्म पुग्ने बाटो राम्रो नबनाएको आरोप स्थानीय पर्यटकहरुले लगाएका छन् । बेसक्याम्पमा पुगेका सुरेश लिम्बुले बाटो अत्यन्तै अप्ठ्यारो र विकट भएको बताउनुभयो ।
यसवर्ष जिल्लामा पर्यटकीय क्षेत्रको विकास कार्यक्रमअन्तर्गत स‍‌ंस्कृति पर्यटन तथा नागरिक उड्ड्यन मन्त्रालयबाट पर्यटन प्रवर्द्धनसम्बन्धी ८१ वटा योजना रहेका छन् । पर्यटकीय क्षेत्रको व्यवस्थापनदेखि मठमन्दिर संरक्षणसम्मका योजना रहेका छन् । जिल्लाभरि ९ वटा पालिकामा पर्यटन सम्बन्धित कार्यक्रम रहेका छन् । विभिन्न उद्यानहरु निर्माण तथा भ्यूटावरहरुको निर्माण कार्य भइरहेका छन् । ताप्लेजुङको मिक्वाखोला गाउँपालिकामा रहेको सुन्दर फुङ्फुङ्गे झरनाको गुरुयोजना तयार गरेर काम सुरु गरिएकाे छ । पालिका यस याेजनाकाे लागि ५० लाख रुपैयाँ विनियाेजन गरेकाे छ ।
जिल्लामा रहेको धार्मिक स्थल पाथीभराको बाटोलाई कालोपत्रे गर्नका लागि केन्द्र सरकारबाट बजेट आएको छ । पर्यटकीय गतिविधि बढाउने र युवा जनशक्तिलाई आर्थिक क्रियाकलापमा समेट्ने योजनाअन्तर्गत विभिन्न योजनाहरु आएका छन् ।ताप्लेजुङमा रहेका धार्मिक तथा पर्यटकीय स्थलहरुमा आन्तरिक पर्यटकहरु आउन सुरु गरेका छन् । पाथीभरा तथा फुङफुङ्गे झरनामा आन्तरिक पर्यटकहरु आउन थालेको छन् । पर्यटकीय गतिविधि बन्द भएसँगै बन्द भएको होटल व्यवसाय पनि सुरु हुन थालेकाे जिल्ला होटल व्यवसाय महासङ्घका जिल्ला अध्यक्ष दिनेश खवासले बताउनुभयो ।